Навоий вилояти Томди туман Экология ва атроф муҳитни муҳофаза қилиш инспекцияси томонидан навбатдаги тезкор рейд тадбирлари давомида Томди туман чўл ҳудудидан Бухоро вилояти «Пахтаобод» ҚФЙ фуқароси С.А. томонидан ўз бошқарувидаги HYUNDAI юк юкловчи оғир техника кўмагида ноқонуний равишда умумтарқалган фойдали қазилмалар қум-шағал аралашмасини ҳеч кандай рухсатсиз белгиланмаган жойдан қазиб олиб, юк автомашиналарига юклаётганлиги аниқланди.

Ушбу ҳолат юзасидан фуқарога нисбатан Ўзбекистон Республикаси МЖтКнинг 70-моддаси 1-қисми билан 2 млн 230 минг сўм миқдорда жарима белгиланди.

Пресс-служба Госкомэкологии
Республики Узбекистан