Joriy yilning 12 aprel kuni Buxoro viloyati Ekologiya va atrof-muhitni muhofaza qilish boshqarmasitomonidan o‘tkazilgan ekologik reyd tadbiri natijasida Buxoro tumanida qonunbuzilish holati qayd etildi.

Boshqarma mutaxassislarining sa’y harakati bilan tumanning o‘rtacho‘l hududidan fuqaror I.M. o‘zining «UAZ» rusumli yuk mashinasi orqali saksovul o‘simligini tashib ketayotganligi aniqlandi. Shu bilan birga fuqaro bu qonunbuzarlikni shu yil hisobida 2-marotaba sodir etgan.

Fuqaro mazkur qonunbuzarlikni qayta sodir etganligi sababli O‘zbekiston Respublikasi Ma’muriy Javobgarlik to‘g‘risidagi Kodeksning 79-moddasi 2-qismiga asosan tegishli tartibda hujjatlar rasmiylashtirilib, 2 230 000 so‘m jarima hamda 1 873 200 so‘m tabiatga yetkazilgan zarar hisolandi.

Davlat ekologiya qo‘mitasi
Axborot xizmati