Ўзбекистан Республикаси Вазирлар Махкамасининг “Дарёлар ўзанларини тозалаш ишларига тадбиркорлик субъектларини электрон онлайн-аукцион орқали жалб қилиш тартибини жорий этиш туғрисида” 2018 йил 3 декабрдаги 981-сон қарори билан тасдиқланган Низомнинг 19-банди иккинчи хатбошисига асосан, жорий йилнинг апрель ойи давомида Тайлоқ ва Ургут туманлари чегаралари кесишмасида жойлашган «Рахматобод» МФЙ худудидан оқиб ўтувчи Зарафшон дарёси ўзанидаги 5 та, Наманган вилояти Янгиқурғон тумани «Заркент» МФЙ худудидан оқиб ўтувчи Подшоотасой сойи ўзанидаги 2 та, Андижон вилояти Пахтаобод тумани «Сангробод» махалла фуқаролар йиғини худудидан оқиб ўтувчи Қорадарё дарёси ўзанидаги 1 та, Андижон вилояти Хонобод шахар “Янги замон” МФЙ худудидан оқиб ўтувчи Қорадарё дарёси ўзанидаги 1 та, Тошкент вилояти Оққўрғон тумани «Алимкент» ва «Маданият» МФЙлари худудидан оқиб ўтувчи Охангарон дарёси ўзанидаги 1 та, Наманган вилояти Поп тумани «Эскиобод» МФЙ худудидан оқиб ўтувчи Товасой сойи ўзанидаги 1 та, Жиззах вилояти Бахмал тумани «Бахмал» КФЙ худудидан «Сангзор» КФЙ «Удамали» қишлоғигача оқиб ўтувчи Сангзор дарёси ўзанидаги 2 та, Андижон вилояти Андижон тумани «Тошматов», «Патидсинов» ва «Омонов» массивлари худудидан оқиб ўтувчи Қорадарё дарёси ўзанидаги 1 та, Сирдарё вилояти Гулистон тумани «Боёвут» ЦИУ 13, 17, 18, 19, 63, 64, 65, 66, 67 ва 68 контур худудларидан оқиб ўтувчи Сирдарё дарёси узанидаги 1 та, жами 15 та участкаларда ўзан тозалаш жараёнида қум-шағал материалларини қазиб олиш бўйича тайёрланган лойихаларни амалга ошириш ҳуқуқлари “E-IJRO AUKSION” электрон савдо майдончаси орқали аукцион йўли билан реализация қилиш учун www.e-auksion.uz сайтига жойлаштирилганлигини маълум қиламиз.