O‘zbekiston Respublikasi Vazirlar Mahkamasining 2018 yil 11 oktyabrdagi «Tabiatni muhofaza qilishni ta’minlashning iqtisodiy mexanizmlarini yanada takomillashtirish chora-tadbirlari to‘g‘risida»gi 820-sonli qaroriga ko‘ra, O‘zbekiston Respublikasining «Tabiatni muhofaza qilish to‘g‘risida», «Atmosfera havosini muhofaza qilish to‘g‘risida», «Chiqindilar to‘g‘risida»gi qonunlariga muvofiq, shuningdek, O‘zbekiston Respublikasida tabiatni muhofaza qilishni ta’minlashning iqtisodiy mexanizmlarini yanada takomillashtirish maqsadida mazkur qaror qabul qilingan edi.

Qarorning 1-ilovasi bilan, O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya to‘lovlarini qo‘llash tartibi to‘g‘risidagi nizom tasdiqlangan. Mazkur Nizom O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya to‘lovlarini qo‘llash tartibini belgilaydi.

Hozirgi respublikadagi hukumron epidemiologik nohush vaziyatdan kelib chiqib, hamda ho‘jalik yurituvchi sub’ektlarga yaqindan ko‘maklashish maqsadida Toshkent shahar ekologiya boshqarmasi tomonidan «E-Ekologiya.uz» veb-portali ishga tushirildi. Mazkur portaldan foydalanish tartibini rus tilidagi havoladan olishingiz mumkin.

Shu o‘rinda, ta’kidlash joizki, masofadan – uydan turib ishlash rejimiga o‘tkazilgan korxona va tashkilotlar uchun kompensatsiya to‘lov hisob-kitoblarini tekshirish va tasdiqlash faqat elektron portal «www.e-ekologiya.uz» orqali amalga oshirildi va joriy yilning 1-choragida 325 ta tashkilotlardan kiritilgan ma’lumotlari bo‘yicha onlayn ravishda hisob-kitob ishlari to‘liq amalga oshirildi.

Bu esa o‘z navbatida, o‘z tashkilotining har bir tiyini uchun joni achiydigan mas’uliyatli hisobchilarimiz uchun juda qulaylik yaratdi.

Davlat ekologiya qo‘mitasi
Axborot xizmati